Сурет: ЖИ иллюстрация
Халықаралық футбол федерациясы (ФИФА) 2026 жылғы Әлем чемпионатының ашылу салтанатын үш елде өткізуді жоспарлап отыр, деп хабарлайды Zhaiyqmedia.kz ақпарат агенттігі.
Алғашқы ашылу рәсімі 11 маусымнан 12-не қараған түні Мехикодағы «Ацтека» стадионында өтеді. Салтанатты рәсімнен кейін Мексика мен Оңтүстік Африка құрамалары турнирдің алғашқы ойынын өткізеді. Матчтарды «Qazaqstan» және «Qazsport» телеарналары тікелей эфирде көрсетеді.
12 маусымда чемпионаттың ресми ашылу салтанаты Канададағы Торонто қаласындағы «BMO Field» стадионында ұйымдастырылады. Рәсімнен кейін Канада мен Босния және Герцеговина құрамалары кездеседі.
13 маусым таңертең АҚШ-тағы Лос-Анджелестегі «SoFi Stadium» аренасында үшінші ашылу салтанаты өтеді. Осыдан соң АҚШ пен Парагвай командалары ойнайды.
Биыл алғаш рет үш елде өтетін турнир Солтүстік Американың 16 қаласында ұйымдастырылады. Матчтардың басым бөлігі АҚШ аумағында өтеді. Канада мен Мексика да әлем чемпионатының маңызды ойындарын қабылдайды.
