Мазмұнға өту
Сурет: Depositphotos.com
ФИФА 2026 жылғы әлем чемпионатынан түсетін табыс 15 миллиард доллардан асуы мүмкін. Бастапқыда ұйым шамамен 11 миллиард доллар табыс табады деп болжанған еді, бірақ билет сатудан түскен кірістің жоғары болуына байланысты болжам қайта қаралды, деп хабарлайды Zhaiyqmedia.kz ақпарат агенттігі.
Guardian мәліметінше, ФИФА билет сатып алушылардан да, сатушылардан да комиссия алады. Әлем чемпионатының билеттері өткен жылдың 1 қазанынан сатыла бастады. Ең қымбат билет құны 6 370 долларды құрады.
Жанкүйерлерге арналған адалдық бағдарламасы бойынша өз құрамасының барлық матчына, алғашқы ойыннан финалға дейін қатысу үшін кемінде 6 900 доллар төлеу қажет болды. Ал бағасы 60 доллар болатын ең арзан билеттер шектеулі мөлшерде ғана сатылып, турнирдің кейбір матчтарына ғана қолжетімді болды.
ФИФА президенті Джанни Инфантино 2026 жылғы әлем чемпионатын «тарихтағы ең үздік әлем чемпионаты» деп атады.
Биылғы әлем чемпионаты үш елде – АҚШ, Канада мен Мексикада өтіп жатыр.
