Димаш Құдайбергеннің туған күні қарсаңында астаналық жанкүйерлері шала туған нәрестелерге арналған қайырымдылық акциясын өткізді, деп хабарлайды Zhaiyqmedia.kz ақпарат агенттігі.
Жанкүйерлер арнайы жиналған қаражатқа шала туған сәбилерге қажетті дәрі-дәрмек пен медициналық жабдықтар сатып алып, облыстық перинаталдық орталыққа табыстады.
«Біз әншінің туған күнінде тек қуаныш қана емес, мейірімділік те таратуды жөн көрдік. Шала туған нәрестелер ерекше күтімді қажет етеді, сондықтан көмек қолын созу — біздің парызымыз», — деді жанкүйерлердің бірі.
Акция аясында сәбилерге арналған жылы киімдер мен гигиеналық құралдар да жиналған. Дәрігерлер мұндай қолдау шала туған нәрестелердің өмір сүру сапасын жақсартуға көмектесетінін атап өтті.
