Сурет: instagram.com/kairat4
Қазақстан ұлттық құрамасы маусым айында Армения және Мажарстан құрамаларына қарсы жолдастық кездесулер өткізеді. Бас бапкер Талғат Байсуфинов осы ойындарға шақырылатын футболшылар тізімін жариялады, деп хабарлайды Zhaiyqmedia.kz ақпарат агенттігі.
Көпшілікті қызықтырған сұрақ — танымал шабуылшы Дастан Сәтпаевтың құрама сапына қосылуы. Байсуфинов бұл туралы пікір білдірді.
«Дастан — талантты футболшы, бірақ қазір ол толық дайын емес. Біз оның клубтағы өнерін бақылап жатырмыз. Маусым айындағы ойындарға оны шақырмауды жөн көрдік», — деді бапкер.
Сәтпаев биылғы маусымда клубында тұрақты ойын көрсете алмай жүр. Бапкерлер штабы оны кейінгі іріктеу матчтарына дайындауды жоспарлап отыр.
