Дастан Сәтпаев пен ByDastann БҰҰ бастамасымен жаһандық амбассадор атанды

Сурет: Egemen Qazaqstan

Қазақстандық футболшы Дастан Сәтпаев пен тревел-блогер Дастан Мұхамедрахым (ByDastann) Халықаралық волонтерлер жылының жаһандық амбассадорлары болып тағайындалды, деп хабарлайды Zhaiyqmedia.kz ақпарат агенттігі.

БҰҰ Бас Ассамблеясы 2026 жылды Халықаралық волонтерлер жылы деп жариялады. Бұл бастаманы Қазақстан Президенті Қасым-Жомарт Тоқаев көтерген. Әлем елдері бұл ұсынысты бірауыздан қолдап, жанашырлық, ынтымақ және азаматтық жауапкершілік құндылықтарын насихаттауға кірісті.