«Қаладан ауылға» жобасының басты мақсаты – ауылдағы жұмыс күші тапшылығын жою және агроөнеркәсіптік кешеннің тұрақты дамуын қамтамасыз ету.
Ерекше атап өтетін жайт, бағдарлама мемлекеттік қолдаудың барлық тетіктерін қамтиды, бұл – тұрғындар үшін өте ыңғайлы.
2024-2026 жылдарға арналған жобаға қатысу үшін 96 ауыл анықталып, 2024 жылы 104 отбасы немесе 519 адам қоныстандырылды.
Бүгінде ағымдағы жылдың басынан бастап 1 шілдесіне дейін 12 отбасы (48 адам) көшіп келді. Олардың барлығы жеке баспанамен қамтамасыз етілген.
Балаларға балабақшалар мен мектептерден орын бөлініп, ересектерге жұмысқа орналасуға қолдау көрсетілді.
-Жаңа қоныстанушыларға жерлестері мал сатып алуға көмектесті. Ал бұл жеке қосалқы шаруашылықты дамытуға мүмкіндік бар деген сөз. Сонымен қатар, бұл отбасылар «Ауыл аманаты» бағдарламасына қатыса алады,-деді облыс әкімі Нариман Төреғалиев «Казахстанская правда» газетіне берген сұхбатында.
