Сурет: Жайық Пресс
Батыс Қазақстан облысында Қорғаныс министрлігінің ақпараттық-түсіндіру тобы Бөрлі және Теректі аудандарының жалпы білім беретін мектептерінің оқушыларымен «Міндет! Абырой! Ерлік!» атты ерлік сабақтарын өткізді, деп хабарлайды Zhaiyqmedia.kz ақпарат агенттігі.
Ақсай қаласында қорғаныс ведомствосының өкілдері №3, №4 және №6 мектептерге, Теректі ауылында №1 және №2 мектептерге барды. Олар оқушыларға әскери оқу орындарына түсу тәртібі, кандидаттарға қойылатын талаптар, Қарулы күштердегі болашақ қызмет перспективалары, әскери қызметшілердің құқықтары мен міндеттері туралы айтты.
Оқушылар сондай-ақ әскери қызметке шақыру шарттары, әскери қызметті өткеру және қызмет еткен азаматтарға көзделген білім беру жеңілдіктері туралы білді. Олар өздерін қызықтырған сұрақтар қойып, министрліктің бейінді департаменттерінің өкілдерінен толық жауаптар алды.
– Көптеген оқушы әскери мамандыққа қызығушылық танытады: дене нормативтерін тапсыруға мақсатты түрде дайындалады, саптық дайындықты жетілдіреді және болашақ оқуға қажетті дағдыларды дамытады. Сондықтан оқушыларға әскери қызметті өз тәжірибесінен білетіндерге тікелей сұрақ қою маңызды болды, – деді Ақсай қаласындағы №7 жалпы білім беретін мектептің бастапқы әскери және технологиялық дайындық мұғалімі Бақытжан Үмбетов.
Б. Үмбетовтің шәкірттері арасында сабақтар мен практикалық жаттығуларда ерекше ынта танытқан оныншы сынып оқушысы Мирас Болатов.
– НВП сабақтарында біз қаруды бөлшектеп, жинауды үйренеміз, саптық дайындықтан өтеміз, Әскери ант қабылдау тәртібін оқимыз. Әскерилермен кездесу армия туралы түсінігімізді кеңейтті. Бізге Қорғаныс министрлігінің колледждері мен жоғары оқу орындары, сондай-ақ әскери мамандықтар туралы егжей-тегжейлі айтылды, – деп бөлісті оқушы.
Әскери қызметке шақырылатын жастармен кездесулерде патриотизм, өз еліне қызмет етуге дайындық, оның болашағы үшін жауапкершілік сезімі және оны жақсартуға ұмтылу тақырыптары да қозғалды.
Патриоттық тәрбие тақырыбы «Жас сарбаз» республикалық балалар-жасөспірімдер қозғалысы өкілдерінің әңгімесінде жалғасын тапты. Олар оқушыларды бірлестіктің қызметімен және «Айбын» халықаралық әскери-патриоттық жастар жиынының дәстүрлерімен таныстырды.
Аймақтағы АТТ-ның бай бағдарламасының қорытындысы Бөрлі ауданының Подстепное ауылының Мәдениет үйінде Қарулы күштердің Ұлттық әскери-патриоттық орталығының Орталық ансамблінің өнер көрсетуі болды. Оқушылар мен елді мекендер тұрғындары үшін әртістер Отан, әскери борыш және патриотизм туралы музыкалық және вокалдық шығармаларды орындады.
Іс-шаралар жастармен жұмыстың әртүрлі аспектілерін қамтуға мүмкіндік берді – қызмет және әскери білім туралы практикалық ақпарат беруден бастап өнер арқылы патриоттық құндылықтарды насихаттауға дейін.
