Сурет: ТСМ
Жапонияның Аичи мен Нагоя қалаларында өтіп жатқан 2026 жылғы Азия ойындарында отандық спортшылардың 26 қыркүйектегі жарыс кестесі жарияланды, деп хабарлайды Zhaiyqmedia.kz ақпарат агенттігі.
Күннің ең ерте басталатын жарысы — ерлер арасындағы марафон финалы. Шадрак Коеч 03:30-да жүгіріске шығады.
Нысана көздеуден классикалық және құрама садақтан жеке әрі командалық біліктілік кезеңдері 04:00-де басталады. Ерлер құрамында Ильфат Абдуллин, Дастан Каримов, Даулеткелді Жанбырбай, әйелдер сапында Виктория Лян, Роксана Юнусова, Адель Жексенбинова сынға түседі.
Электронды спорттан Александр Пивоваров Puyo Puyo Champions біліктілігінде 05:00-де ойнайды. Бадминтоннан Айша Жұмабек, Махсут Тәжібуллаев, Дмитрий Панарин жекелей разрядтың 1/16 финалында, ал Камила Смағұлова мен Наргиза Рахметуллаева, Алиса Кулешова мен Диана Каменова жұптық разрядтың 1/8 финалында 05:30–05:40 аралығында кортқа шығады.
Семсерлеуден флореттен әйелдер командасы 05:30-да, саблядан ерлер командасы 06:30-да 1/8 финалда өнер көрсетеді.
Пневматикалық емес мылтықпен 50 метрден үш қалыпта атудан Арина Малиновская, Елизавета Безрукова, Софья Шульженко 05:45-те бақ сынайды. Жеке финал 09:45-те болуы мүмкін.
Үстел теннисінен Зауреш Ақашева 06:00-де 1/8 финалда ойнайды. Көркем жүзуден Наргиза Болатова мен Ясмин Туякова дуэттің техникалық бағдарламасын 07:00-де орындайды.
Желкенді спорттан Тұрсынай Аширбай мен Еркебұлан Сардарбеков Mixed Dinghy біліктілігінде 07:00-де жарысады. Электронды спорттан Pokémon Unite топтық кезеңі 07:25-те басталады.
Байдарка және каноэде есуден бірнеше А финалы өтеді: Стелла Суханова 07:30-да, Дмитрий Холмогоров 07:40-та, Сергей Емельянов пен Руфина Искакова 07:50-де, Ольга Шмелева мен Артём Терещенко 08:00-де.
Скейтбордингтен Анна Лю-Си-Гун 07:50-де әйелдер стритінің біліктілігінде, Нұраят Ануарбек пен Альфируз Ешматов 12:10-да ерлер стритінің біліктілігінде сынға түседі.
Бокстан Виктория Графеева 08:00-де Қытай Тайбэйінің өкілі Линь Юй-Тиньмен, Махмұд Сабырхан 09:00-де Иран спортшысы Мехди Каземимен, Нұрбек Оралбай 10:00-де Ауғанстан өкілі Мохаммед Нуримен жұдырықтасады.
Суға секіруден Назар Қожанов пен Кирилл Новиков 3 метрлік трамплиннен синхронды секіру финалында 09:00-де өнер көрсетеді.
Көркем жүзуден командалық акробатикалық бағдарлама 13:00-де, ауыр атлетикадан Бексұлтан Айтбай 75 келіге дейінгі салмақта А финалында 13:00-де белдеседі.
Жеңіл атлетикадан Давид Ефремов 110 метрге кедергілер арқылы жүгіру біліктілігінде 15:21-де, Иван Иванов ядро лақтыру финалында 16:00-де, Мария Шувалова 400 метр финалында 17:45-те, Аяна Болатбекқызы 1500 метр финалында 18:15-те жүгіреді.
Ескерту: спортшылардың құрамы мен жарыс уақыты өзгеруі мүмкін.
