«Ардагерлерге тағзым» акциясы аясында Құрлық әскерлері бас қолбасшысы басқармасының әскери қызметшілері Астанадағы жалғыз Ұлы Отан соғысы ардагеріне құрмет көрсетті, деп хабарлайды Zhaiyqmedia.kz ақпарат агенттігі.
Әскерилер ардагердің үйіне барып, оның денсаулығы мен тұрмыс жағдайына қызықты. Олар ардагерге алғыс айтып, сыйлықтар табыстады.
«Біз үшін бұл – үлкен мәртебе. Ардагерлеріміздің ерлігін ұмытпау – біздің парызымыз», – деді әскерилердің бірі.
Шара барысында әскерилер ардагерге күнделікті тұрмыста қажетті заттар мен азық-түлік жиынтығын сыйлады. Ардагер өз кезегінде жастарға Отанды сүюге және еліне адал қызмет етуге шақырды.
