Сурет: Астана әкімдігі
Астана әкімі Жеңіс Қасымбек кіші Талдыкөлдегі экопаркті абаттандыру жұмысы басталғанын хабарлады. Бұл туралы ол Instagram парақшасында жазды, деп хабарлайды Zhaiyqmedia.kz ақпарат агенттігі.
Әкімнің айтуынша, қазіргі уақытта көл маңындағы аумақты көркейту жұмыстары қызу жүріп жатыр. Жоба аясында жаяу жүргіншілер жолдары мен демалыс аймақтары жаңартылады.
«Біз кіші Талдыкөлді қала тұрғындары мен қонақтары үшін тартымды экологиялық аймаққа айналдыруды көздеп отырмыз. Жұмыстардың бірінші кезеңі биыл аяқталады», — деді Жеңіс Қасымбек.
Экопарк аумағында ағаштар мен гүлзарлар отырғызылып, заманауи жарықтандыру жүйесі орнатылады. Сондай-ақ балаларға арналған ойын алаңдары мен спорттық алаңдар салу жоспарланған.
