Сурет: Видеодан скрин / СhatGPT
Астанада 18 жасар қыз жазушы Бейімбет Майлиннің ескерткішіне мініп, фотосессия жасаған. Осы әрекеті үшін ол әкімшілік жауапкершілікке тартылып, іс сотқа жіберілді, деп хабарлайды Zhaiyqmedia.kz ақпарат агенттігі.
Оқиға елордадағы жазушы ескерткішінің маңында болған. Қыз ескерткіштің мүсініне мініп, суретке түскен. Бұл әрекет қоғамда қызу талқыланып, желі қолданушылары оны әдепсіздік деп бағалады.
«Ескерткіш – қоғамдық меншік, оны құрметтеу – әркімнің парызы. Мұндай әрекеттер тарихи тұлғаларға деген құрметсіздік», – деді қалалық мәдениет басқармасының өкілі.
Қазіргі таңда қызға қатысты әкімшілік іс қозғалып, сот отырысына дайындық жүріп жатыр. Заң бойынша оған айыппұл салынуы мүмкін.
