Мазмұнға өту
Сурет: Istockphoto.com
АҚШ президенті Дональд Трамптың Иран мен Йемендегі хуситтерге қарсы әскери іс-қимылдар туралы мәлімдемелері мұнай бағасының күрт өсуіне әкелді, деп хабарлайды Zhaiyqmedia.kz ақпарат агенттігі.
Brent маркалы мұнайдың бағасы 6,6%-ға көтеріліп, баррелі 89,70 долларға жетті. Америкалық WTI маркалы мұнайдың құны 7%-дан астам қымбаттап, баррелі 84,48 долларды құрады.
Мұнайдың қымбаттауына әлемдік жеткізілімнің тұрақтылығына қатысты алаңдаушылық себеп болды. Хуситтердің шабуылдарына байланысты Қызыл теңіздегі жағдайдың ушығуы және Ормұз бұғазы төңірегіндегі геосаяси тәуекелдердің күшеюі әлемдік нарықта мұнай тапшылығы туындауы мүмкін деген қауіпті арттырды.
Еске салайық, АҚШ пен Иранның әскери соққыларды уақытша тоқтатуына байланысты әлемдік мұнай бағасы дүйсенбі күні шамамен 4%-ға төмендеген еді.
