Сурет: fifa.com
Футболдан 2026 жылғы әлем чемпионатының С тобындағы алғашқы тур матчында Бразилия мен Марокко құрамалары 1:1 есебімен тең ойнады, деп хабарлайды Zhaiyqmedia.kz ақпарат агенттігі.
Кездесу АҚШ-тың Ист-Ратерфорд қаласындағы Метлайф стадионында өтті. Төреші болып словениялық Славко Винчич тағайындалды.
Ойынның 21-минутында марокколық жартылай қорғаушы Исмаэль Сайбари қақпашы Алисон Бекерді алдап, есеп ашты. 32-минутта бразилиялық Винисиус Жуниор есепті теңестірді.
Екінші турда Бразилия Гаитимен (20 маусым), үшінші турда Шотландиямен (25 маусым) кездеседі. Марокко келесі турда Шотландиямен (20 маусым), үшінші турда Гаитимен (25 маусым) ойнайды. Алғашқы турда Шотландия мен Гаити 14 маусымға қараған түні өзара кездеседі.
