Сурет: Aikyn.kz
Еліміздің басым бөлігінде солтүстік-батыстан келген циклон мен атмосфералық фронттар әсер етеді. Салдарынан жаңбыр жауып, найзағай ойнайды, деп хабарлайды Zhaiyqmedia.kz ақпарат агенттігі.
Синоптиктердің болжамынша, 28-30 мамыр аралығында Қазақстанның көптеген өңірінде ауа райы тұрақсыз болады. Тек оңтүстік пен шығыста ғана күн ашық болмақ.
«Солтүстік-батыс циклон елге жаңбыр мен найзағай әкеледі. Кей жерлерде қатты жел де соғуы мүмкін», – деді синоптиктер.
Ал Батыс Қазақстан облысында, соның ішінде Орал қаласында, жаңбырлы ауа райы сақталады. Температура күндіз +20…+25 градус шамасында болады.
