Мазмұнға өту
Сурет: Jas Qazaq
Түркістан облысындағы мектептерде салтанатты жиындар өтті. 35 мыңнан астам оқушы соңғы қоңырау соғып, мектеппен қоштасты.
Биылғы түлектердің ішінде 2 мыңға жуығы үздік аттестат алды. Олардың қатарында республикалық және халықаралық олимпиадалардың жүлдегерлері де бар.
Облыс әкімі Дархан Сатыбалды түлектерге жылы лебізін білдірді:
Әрқайсыңның алдарыңда үлкен жол жатыр. Білімдеріңді шыңдап, еліміздің дамуына үлес қосатындарыңа сенемін.
Мектеп бітіру кештері 1 маусымға дейін жалғасады. Одан кейін түлектер Ұлттық бірыңғай тестілеуге дайындалады, деп хабарлайды Zhaiyqmedia.kz ақпарат агенттігі.
