Мазмұнға өту
Президент Қасым-Жомарт Тоқаев Израильдің Сыртқы істер министрі Гидеон Саарды қабылдады. Кездесуде екіжақты ынтымақтастықтың маңызды мәселелері талқыланды, деп хабарлайды Zhaiyqmedia ақпарат агенттігі.
Мемлекет басшысы Гидеон Саардың Астанаға сапары аясында Қазақстан-Израиль бизнес-форумының өтуін құптап, бұл шараның маңызына тоқталды. Тараптар сауда-экономикалық, ғылыми-техникалық салалардағы байланыстарды нығайту және бірлескен жобаларды іске асыру жайын сөз етті.
Израиль Сыртқы істер министрі өз кезегінде елінің Қазақстанмен қарым-қатынасты дамытуға мүдделі екенін растады. Ол сондай-ақ Қазақстанда жүргізіліп жатқан саяси және әлеуметтік-экономикалық реформаларға жоғары баға берді.
Сонымен қатар кездесу барысында халықаралық күн тәртібіндегі өзекті мәселелер бойынша пікір алмасу болды.
Фото: Әлеуметтік желіден
