Жоғарғы Сот төрағасы Асламбек Мерғалиев Жеңіс күніне орай Мәншүк Мәметованың ескерткішіне гүл шоқтарын қойды, деп хабарлайды Zhaiyqmedia.kz ақпарат агенттігі.
Рәсім барысында Мерғалиев қазақ халқының батыр қызын еске алып, оның ерлігі ұрпаққа үлгі екенін айтты. Сот жүйесінің басшысы Мәншүк Мәметованың Кеңес Одағының Батыры атағын алған алғашқы қазақ әйелі екенін ерекше атап өтті.
«Мәншүк Мәметова – біздің мақтанышымыз. Оның есімі мәңгілікке халық жадында сақталады. Біз әрдайым батырлардың ерлігін дәріптеуіміз керек», – деді Асламбек Мерғалиев.
Шараға сот корпусының өкілдері мен ардагерлер де қатысты. Олар да Мәншүк Мәметова мен соғыста қаза тапқандардың рухына тағзым етті.
