Сурет: depositphotos.com
Қазгидромет мамандары осы айдың 10-12 қаралымындағы ауа райы болжамын ұсынды, деп хабарлайды Zhaiyqmedia.kz ақпарат агенттігі.
Болжам бойынша, 10-12 қазанда елдің орталығында, ал 10-11 қазанда оңтүстік пен оңтүстік-шығыс өңірлерде жауын-шашынсыз ауа райы сақталады. Жаңбыр 10-11 қазанда оңтүстік-батыста, 11-12 қазанда солтүстік-батыс пен солтүстікте, 10 және 12 қазанда шығыста, 12 қазанда оңтүстік және оңтүстік-шығыста күтіледі.
10 қазанға қараған түні Шығыс Қазақстан облысында жаңбыр мен қар аралас қатты жауын-шашын болады. Ал 12 қазанда Түркістан облысында қатты жаңбыр жауады деп болжануда.
Синоптиктердің мәліметінше, республика аумағында түнде және таңертең тұман түседі.
Күндізгі уақытта ауа температурасы мынадай шекте болады:
- елдің батысында +22+27°С;
- солтүстік-батысында +17+25°С;
- солтүстігінде +13+20°С;
- орталығында +13+22°С;
- оңтүстігінде, Қызылорда облысында +23+28°С, ал Түркістан облысында +18+23°С-қа дейін төмендейді;
- оңтүстік-шығыста ауа температурасының негізгі фоны +17+25°С.
Сонымен қатар, бүгін, 9 қазан күні еліміздің 6 қаласында қолайсыз метеорологиялық жағдайлар күтіліп отыр.
