Сурет: Burnley FC
Ұлттық құраманың шабуылшысы Дастан Сәтпаев жарақатынан айығып, «Бернли» клубының келесі ойынына дайындалып жатыр. Бұл туралы клубтың бас бапкері Ники Хайен баспасөз брифингінде мәлімдеді, деп хабарлайды Zhaiyqmedia.kz ақпарат агенттігі.
18 жастағы футболшы бір айдан астам уақыт алаңға шыққан жоқ. Ол соңғы рет 3 қыркүйекте «Мидлсброға» қарсы кездесуде ойнап, жарақат алған болатын.
Жақында вингер жарақатынан айығып, «Бернлидің» жаттығу базасына оралды. Клубтың бас бапкері Сәтпаевтың команда сапына қосылғанын растады.
«Дастан оралды. Ол толыққанды жаттығуға кірісіп, матчқа қатысуға дайындалып жатыр», деді Ники Хайен.
«Бернлидің» Чемпионшип аясындағы келесі ойыны 10 қазанда «Уотфордқа» қарсы өтеді. Осы кездесуде Дастан Сәтпаев алаңға шығуы мүмкін.
Айта кетейік, Сәтпаев биыл «Бернлиге» жалға беріліп, команда сапында өнер көрсетіп жүр. Ол «Мидлсброға» қарсы ойындағы жарақатына байланысты Ұлттар лигасы мен «Бернлидің» соңғы матчтарына қатысқан жоқ.
Еске салайық, бұған дейін «Бернли» клубының бас бапкері Ники Хайен Дастан Сәтпаевтың халықаралық үзіліс кезінде алаңға оралатынын мәлімдеген еді.
