Қазгидромет мамандары алдағы күндері еліміздің солтүстік өңірлерінде түнгі ауа температурасы нөлден төмен түсетінін ескертеді. Синоптиктердің болжамынша, бұл аяз 20 қазанға дейін созылады.
Ауа райының күрт суытуына байланысты тұрғындарға жылы киінуге және жолдардағы мұзды ескеруге кеңес беріледі. Әсіресе Солтүстік Қазақстан, Ақмола, Павлодар, Қостанай облыстарында түнгі температура –5 градусқа дейін жетуі мүмкін.
БҚО-да да түнде салқын болады, бірақ аяз күтілмейді. Дегенмен, Жайық өңірінде де күзгі суық өз әсерін тигізеді.
