22 мамырда Қазақстанның 16 облысында ауа райына байланысты ескерту жарияланды. Елдің басым бөлігінде жаңбыр, найзағай, қатты жел, бұршақ және шаңды дауыл күтіледі, деп хабарлайды Zhaiyqmedia.kz ақпарат агенттігі.
Синоптиктердің болжамынша, Батыс Қазақстан облысында да ауа райы тұрақсыз болады. Орал қаласы мен Жайық өңірінде желдің күші 15-20 м/с жетуі мүмкін, найзағай ойнап, жаңбыр жауады.
«Ауа райының күрт өзгеруіне байланысты жұртшылықты сақ болуға шақырамыз. Далаға шыққанда күртеше алып, қатты жел кезінде ағаштар мен биік құрылыстардың астында тұрмаңыздар», – деді облыстық ТЖД өкілі.
Сонымен қатар, оңтүстік және шығыс аймақтарда шаңды дауыл мен бұршақ жаууы ықтимал. Түркістан, Жамбыл, Алматы облыстарында да осыған ұқсас қауіпті құбылыстар болжанып отыр.
