Қазақстанға көшіп келушілер легі артты: жарты жылдық қорытынды

Сурет: Egemen Qazaqstan

2026 жылдың алғашқы алты айында Қазақстанға тұрақты тұру үшін 8 мыңнан астам адам келді, ал елден 2,3 мың адам кетті. Осылайша, көші-қон сальдосы 5,7 мың адамды құрады. Бұл деректер Ұлттық статистика бюросының қаңтар-маусым айларындағы есебінде көрсетілген, деп хабарлайды Zhaiyqmedia.kz ақпарат агенттігі.

Көшіп келушілердің басым бөлігі Өзбекстаннан (2,9 мың), Қытайдан (1,7 мың) және Ресейден (1,6 мың) келген. Қытайдан келгендердің ішінде этникалық қазақтар көп.

Көші-қон өсімінің ең жоғары көрсеткіші Алматы қаласында, Алматы және Маңғыстау облыстарында, сондай-ақ Астанада тіркелді.

Сонымен қатар, бірнеше жылдағы алғашқы рет Қазақстан мен Ресей арасындағы көші-қон сальдосы оң болды. Ресейден 1,6 мың адам келсе, Қазақстаннан 1,2 мың адам кеткен.

Жалпы, сыртқы көші-қонның негізгі бөлігі ТМД елдерімен байланысты. Келгендердің 69,6%-ы ТМД мемлекеттерінен болса, кеткендердің 64,3%-ы осы елдерге қоныс аударған.