Сурет: Egemen Qazaqstan
Бас прокурор Берік Асылов Гонконгқа барып, екі жақ арасында қылмыскерлерді ұстап беру туралы келісімге қол қойды. Бұл құжат енді екі елдің құқық қорғау органдарына бір-біріне қашқындарды беруге мүмкіндік береді, деп хабарлайды Zhaiyqmedia.kz ақпарат агенттігі.
Сапардың басты мақсаты – халықаралық құқықтық ынтымақтастықты нығайту. Асылов Гонконгтың Қауіпсіздік бюросының басшысымен кездесіп, өзара тәжірибе алмасу мәселелерін талқылады.
«Бұл келісім – екі ел арасындағы қылмысқа қарсы күрестегі маңызды қадам. Енді қылмыскерлердің жауапкершіліктен қашып кетуіне жол берілмейді», – деді Бас прокурор.
Келісім аясында Қазақстан мен Гонконг бір-біріне қылмыстық іс бойынша іздеуде жүрген адамдарды беруге міндеттенеді. Бұл әсіресе трансұлттық қылмысқа қарсы күресте тиімді болмақ.
