Сурет: Egemen Qazaqstan
Қорғаныс министрінің бірінші орынбасары – Бас штаб бастығы генерал-лейтенант Қаныш Әбубәкіров шығыс гарнизондардағы әскери бөлімдердің жауынгерлік дайындығын тексерді, деп хабарлайды Zhaiyqmedia.kz ақпарат агенттігі.
Тексеру барысында басқару органдары мен құрамалардың жұмысына баса назар аударылды. Генерал-лейтенант Әбубәкіров әскери бөлімдердің жауынгерлік әзірлігін, қару-жарақ пен әскери техниканың жай-күйін бағалады.
«Біздің басты міндетіміз – әскердің кез келген шақыруға дайын болуы. Тексеру нәтижелері көрсеткендей, шығыс гарнизондардағы жауынгерлік дайындық деңгейі жоғары», – деді Қаныш Әбубәкіров.
Сондай-ақ, ол жеке құраммен кездесіп, олардың тұрмыстық жағдайы мен әлеуметтік мәселелерімен танысты. Жауынгерлік дайындықты одан әрі жетілдіру бойынша нақты тапсырмалар берілді.
