Павлодарда су құбырын жөндеу жұмыстары кезінде бес адамды топырақ басып қалып, екі жұмысшы көз жұмды, деп хабарлайды Zhaiyqmedia ақпарат агенттігі.
Төтенше жағдайлар департаментінің ақпаратынша, құтқарушылар келгенше кәсіпорын қызметкерлері бір адамды аман алып үлгерген. Кейін оқиға орнына жеткен мамандар топырақ астынан тағы екі жұмысшыны және қаза тапқан екі адамның денесін шығарды.
Құтқарылған екі жұмысшының жағдайы ауыр. Қазір олар жансақтау бөлімінде жатыр.
Полиция департаменті қайғылы оқиғаның себеп-салдарын анықтау үшін тергеуді бастады.
Фото: Әлеуметтік желіден
