17 мамыр күні кешке Оралда қаңғыбас иттер бес жасар баланы талап тастады. Баланы ауруханаға жеткізіп, ит тістеген жарақаттарды тігіп, құтырмаға қарсы вакцина екті, деп хабарлайды Zhaiyqmedia.kz ақпарат агенттігі.
Оқиға Орал қаласының тұрғын алабында болған. Бала үйінің ауласында ойнап жүрген кезде қаңғыбас иттер шабуыл жасаған. Көршілер дереу көмекке келіп, иттерді қуып жіберген.
«Баланың денесінде ит тістеген бірнеше жарақат бар. Қазіргі уақытта жағдайы тұрақты, дәрігерлердің бақылауында жатыр», — деді облыстық аурухананың баспасөз қызметі.
Құқық қорғау органдары қаңғыбас иттерді аулау жұмыстарын жүргізіп жатыр. Оқиға бойынша тексеру басталды.
