Оралда қала күніне орай «Әсем өлкем – Ақжайық» ән фестивалі өтті

Орал қаласында қала күні мерекесіне арналған әуенді кеш – «Әсем өлкем – Ақжайық» ән фестивалі ұйымдастырылды.

Абай алаңында өткен мерекелік шарада жергілікті ақындар мен композиторлар өз шығармаларын орындап, жұртшылыққа көтеріңкі көңіл-күй сыйлады. Ән мен жыр арқылы Ақжайықтың тарихы, табиғаты мен туған жерге деген махаббат жырланды.

Кеш барысында Орал қаласының әкімі Мұрат Байменов құттықтау сөз сөйлеп, тұрғындарға ізгі тілегін жеткізді:
«Бұл мереке – туған өлкеміздің тарихы мен бүгіні тоғысқан ортақ қуаныш. «Әсем өлкем – Ақжайық» фестивалі – өңіріміздің талантты ақындары мен композиторларының шығармашылығын дәріптейтін тағылымды шара. Осындай кештер жас буынды өнерге баулиды, туған жерге деген сүйіспеншілікті арттырады. Баршаңызға мерекелік көңіл-күй, отбасыларыңызға амандық пен береке тілеймін», – деді қала әкімі.

Фестиваль соңында барлық өнерпаздар сахнаға шығып, ән-жыр кешін салтанатты түрде қорытындылады.