Оралда өткен «Жайық жүйрігі – 2025»: бас жүлдеге – пәтер мен автокөлік

Орал қаласында қала күніне орай дәстүрлі «Жайық жүйрігі – 2025» ұлттық ат спорты чемпионаты өтті. Жарысқа Қазақстанның түкпір-түкпірінен келген шабандоздармен қатар, Ресейдің Орынбор, Татарстан, Челябинск және Башқұртстан аймақтарынан 100-ге жуық атбегі қатысты.

Бәйге төрт санат бойынша ұйымдастырылды: Ұлы аламан, Топ бәйге, Құнан бәйге және Ұшқыр бәйге.

Облыс әкімі Нариман Төреғалиев жарыстың ашылуында Мемлекет басшысының ұлттық спортты дамыту жөніндегі тапсырмасын атап өтті.

Жүлде қоры — 45,5 млн теңге. Оның ішінде Ұлы аламанның бас жүлдесі – пәтер, ал Топ бәйгенің бас жүлдесі – автокөлік болды.

Жеңімпаздар:

• Ұшқыр бәйге (1400 м): Күрішбек Дидарбек (Орал) – 2 млн тг
• Ұшқыр бәйге (2000 м): Күрішбек Дидарбек, Нұр-Шатоя аты – 3 млн тг
• Құнан бәйге (11 км): Жанболат Марден (Алматы облысы), Шамшырақ аты – 2 млн тг
• Топ бәйге (16 км): Исламнұр Ертөс (Алматы), Тобылғы торы аты – автокөлік
• Ұлы аламан (31 км): Жанболат Марден (Қарағанды облысы) – пәтер