Сурет: facebook.com/bilimland
Оқу-ағарту министрлігі мұғалімдердің кешкі уақытта ата-аналар чаттарында алаңдамауын қамтамасыз ету мәселесін қарастырып жатыр, деп хабарлайды Zhaiyqmedia.kz ақпарат агенттігі.
Ведомство басшысы Жұлдыз Сүлейменованың айтуынша, министрлік ұстанымы бойынша, оқытушылардың ата-аналармен жұмыс уақыты нақты шектелуі тиіс.
«Біз ата-аналар чаттарында сұрақтарды сағат 18:00-ге дейін қоюға болады деп есептейміз. Сағат 18:00-ден кейін әр мұғалімнің жеке өмірі бар және оны құрметтеу керек», деді ол.
Министрлік хабарлағандай, сағат 18:00-ден кейін чаттарды толық бұғаттау немесе жауап бермеу ережесі алдағы уақытта ата-аналар қауымдастығымен бірлесіп жан-жақты пысықталатын болады.
