Мазмұнға өту
OpenAI компаниясы ғылыми мақала, диплом және LaTeX форматында жазылатын кез келген құжатқа арналған Prism атты тегін редакторын таныстырды, деп хабарлайды Zhaiyqmedia ақпарат агенттігі.
Бұл құралға GPT-5.2 жасанды интеллект моделі тікелей енгізілген. Сол себепті ол құжаттың күрделі құрылымын, формулаларды және сілтемелерді толық түсініп, өңдей алады.
Prism редакторының негізгі мүмкіндіктері:
• Жасанды интеллект көмегімен мәтін жазу және редакциялау;
• Ғылыми әдебиеттерді іздеп, дәйексөздерді автоматты түрде қою;
• Тақтадағы формулалардың суретін лезде LaTeX форматына аудару;
• Бір құжатта бірнеше автормен бірге шектеусіз жұмыс істеу.
Редактор браузерде жұмыс істейді, яғни компьютерге ешқандай бағдарлама орнатудың қажеті жоқ.
Алайда маңызды бір шарты бар: бұл құрал тек ChatGPT қолданушылары үшін ғана тегін.
