Премьер-министр Олжас Бектенов көлік саласын дамыту мәселелері бойынша кеңес өткізді. Жиында ұлттық жүк әуе компаниясын дамыту, теңіз және теміржол тасымалдарын ұлғайту жолдары қаралды, деп хабарлайды Zhaiyqmedia.kz ақпарат агенттігі.
Премьер-министр мемлекет басшысының тапсырмаларын орындау барысын пысықтады. Атап айтқанда, ұлттық жүк әуе компаниясын құру және оның тиімді жұмыс істеуі үшін қажетті шаралар талқыланды.
«Бізге әуе тасымалы нарығында бәсекеге қабілетті компания құру маңызды. Сонымен қатар теңіз және теміржол тасымалдарын дамыту арқылы транзиттік әлеуетімізді арттыруымыз керек», — деді Олжас Бектенов.
Жиында ведомство басшылары атқарылып жатқан жұмыстар мен алдағы жоспарлар туралы баяндады. Кеңес қорытындысы бойынша тиісті тапсырмалар берілді.
