Нұрай Серікбайдың қайғылы өліміне қатысты тергеу барысында әзірге жаңа күдіктілер пайда болған жоқ. Бұл туралы Ішкі істер министрінің орынбасары Санжар Әділов Мәжілістегі кулуарларда мәлім етті.
Қазіргі уақытта іс бойынша жаңа күдіктілер анықталған жоқ. Тергеу жалғасуда, барлық қажетті шаралар қабылдануда, – деді Әділов.
Оқиға Батыс Қазақстан облысында болған. Нұрай Серікбайдың өлімі жұртшылықтың назарын аударып, құқық қорғау органдарының жұмысына сұрақ туғызған еді. Алайда министр орынбасарының айтуынша, тергеу барысында ешқандай кідіріс жоқ, деп хабарлайды Zhaiyqmedia.kz ақпарат агенттігі.
Еске сала кетейік, бұған дейін Нұрай Серікбайдың өліміне күдікті ретінде бір адам ұсталған болатын. Қазір ол қамауда отыр. Тергеу амалдары жалғасуда.
