Сурет: Ашық дереккөз
Соңғы үш жылда мектептердегі жаппай ауру жағдайлары екі есе көбейген. Бұл туралы Денсаулық сақтау министрлігінің тексеру қорытындысы белгілі болды, деп хабарлайды Zhaiyqmedia.kz ақпарат агенттігі.
Министрлік жыл басынан бері білім беру ұйымдарында 347 тексеру жүргізген. Оның 49-ы тамақтану блоктарына қатысты болып, әсіресе асханалардағы жағдай алаңдатады.
Тексеру барысында тамақ өнімдерін сақтау, ас дайындау технологиясы мен қызметкерлердің гигиенасы бұзылғаны анықталған. Салдарынан балалар арасында улану мен жұқпалы аурулар жиі тіркеле бастаған.
«Біз мектептердегі тамақтану сапасын бақылауды күшейтеміз. Ата-аналар да балаларының тамақтануына мұқият болуы керек», – дейді Денсаулық сақтау министрлігінің өкілі.
Мамандардың айтуынша, мектеп әкімшілігі мен жергілікті әкімдіктер асханалардың санитарлық жағдайын жақсартуға күш салуы қажет. Әйтпесе, топтық аурулардың алдын алу қиынға соғады.
