Мәжілістегі «AMANAT» фракциясының жетекшісі Ерлан Қошанов Ұлы Отан соғысының ардагері, еңбек ардагері атағын алған қарияны Жеңіс күнімен құттықтады. Ол ардагерге зор құрмет көрсетіп, еліміздің бейбітшілігі үшін жасаған ерен еңбегіне алғыс айтты, деп хабарлайды Zhaiyqmedia.kz ақпарат агенттігі.
Құттықтау барысында Ерлан Қошанов ардагердің саналы ғұмыры мен адал еңбегі үшін «Еңбек ардагері» атағымен және бірқатар мерейтойлық марапаттармен наградталғанын атап өтті. Ол сондай-ақ ардагерлерге қамқорлық жасау – мемлекеттің басты міндеттерінің бірі екенін жеткізді.
«Сіздердің ерлігіңіз бен еңбектеріңіз – біз үшін үлгі. Бейбіт күннің қадірін біліп, еліміздің өркендеуіне үлес қоса беріңіздер», – деді фракция жетекшісі.
Шара соңында Ерлан Қошанов ардагерге сый-сияпат табыстап, онымен естелік суретке түсті. Мұндай кездесулер жастарды патриоттық рухта тәрбиелеуге септігін тигізеді деп санайды.
