Комиссия жұмысы өте қызу өтуде. Бұл жерде әртүрлі көзқарастар айтылды, түрлі бағалар берілді, сұрақтар мен күмәндар болды. Ұсыныстар жан-жақты талқыланды, әрбір тұжырым салмақталып, ой елегінен өтті. Мұның өзі жүргізіліп жатқан жұмыстың формальды емес, мазмұнды әрі саналы түрде жүзеге асқанын көрсетеді.
Маңыздысы – бұл талқылау жабық форматта өткен жоқ. Комиссия отырыстарының тікелей эфирде көрсетілуі қоғамда кең әрі қызу пікірталас туғызды. Азаматтар өзгеріс турасындағы ұсыныстарды сырттай ғана бақылап отырған жоқ, олардың мәнін түсінуге, қандай нәтиже беретінін ұғынуға ұмтылып отыр.
