Астанадағы Тәуелсіздік сарайында Кения Президенті Уильям Рутомен ресми қарсы алу рәсімі өтті. Мемлекет басшысы Қазақстанға мемлекеттік сапармен келді, деп хабарлайды Zhaiyqmedia.kz ақпарат агенттігі.
Рәсім барысында екі елдің әнұрандары шырқалып, құрмет қарауылы сап түзеді. Кения президентін Қазақстан Президенті Қасым-Жомарт Тоқаев қарсы алды.
Бұдан кейін екі ел басшыларының келіссөздері өтеді. Кездесуде сауда-экономикалық ынтымақтастық пен инвестициялық жобалар талқыланады деп күтілуде.
