Сурет: ЖИ көмегімен жасалған
Еңбек министрлігі жасөспірімдерді жұмысқа алатын кәсіпорындардың жауапкершілігін күшейтуді көздеп отыр. Заң жобасында кәмелетке толмағандардың еңбек құқықтарын бұзғаны үшін айыппұл мөлшерін ұлғайту және жұмыс берушілерге қосымша талаптар қою қарастырылған.
Министрліктің мәліметінше, бұл өзгерістер жасөспірімдердің зиянды еңбек жағдайларынан қорғауға және олардың толыққанды дамуына жағдай жасауға бағытталған. Заң қабылданған жағдайда, жұмыс берушілер жас қызметкерлердің жұмыс уақытын, демалыс күндерін және еңбекақы төлеу тәртібін қатаң сақтауға міндеттеледі.
«Біз кәмелетке толмағандардың еңбегін пайдалануға жол бермеуіміз керек. Олардың денсаулығы мен білім алуына кедергі келтіретін кез келген жағдайды болдырмау – біздің басты міндетіміз», – деді Еңбек министрлігінің өкілі.
Жаңа талаптарға сәйкес, жұмыс берушілер жасөспірімдермен еңбек шартын жасасу кезінде олардың ата-анасының немесе қамқоршысының келісімін алуы тиіс. Сонымен қатар, жұмыс орнын тексеру және қауіпсіздік шараларын қамтамасыз ету міндеттеледі.
Заң жобасы қоғамдық талқылауға шығарылып, алдағы уақытта Парламентке енгізіледі деп күтілуде, деп хабарлайды Zhaiyqmedia.kz ақпарат агенттігі.
