Мазмұнға өту
Сурет: Egemen Qazaqstan
Әзербайжан президенті Ильхам Әлиев Қасым-Жомарт Тоқаевпен жеке өзара іс-қимылдың екі ел арасындағы ынтымақтастықты нығайтудағы маңызды рөлін атап өтті. Бұл туралы ол IV Шуша жаһандық медиафорумында мәлімдеді, деп хабарлайды Zhaiyqmedia.kz ақпарат агенттігі.
Ильхам Әлиев Қазақстанға Қарабақты қалпына келтіруге қосқан үлесі үшін алғыс айтып, екі ел басшылары арасындағы тығыз әріптестік бірлескен көлік, энергетика және цифрлық жобаларды табысты жүзеге асыруға ықпал етіп отырғанын жеткізді. Олардың қатарында Орта дәлізді дамыту, Каспий теңізінің табанымен энергетикалық және талшықты-оптикалық кабельдер тарту, сондай-ақ қазақстандық мұнайды Әзербайжан аумағы арқылы тасымалдау жобалары бар.
