Қазақстанда бір адамның бір уақытта мәслихат депутаты және ауылдық округ әкімі болуына жол берілмейді. Бұл жаңа ереже сайлау туралы конституциялық заң жобасына енгізілген.
Енді үміткерлер тек бір лауазымға ғана түсе алады. Яғни, егер адам депутат болғысы келсе, әкімдікке үміткерлігін қоя алмайды, керісінше де солай. Бұл – сайлау процесін әділ әрі ашық етуге бағытталған қадам.
«Бір адамның бірнеше лауазымға бірдей үміткер болуы – сайлау теңдігіне қайшы. Жаңа норма осы олқылықты жояды», – деді заң жобасын әзірлеушілер.
Заң жобасы әлі Парламентте қаралып жатыр. Қабылданса, алдағы сайлауларда жаңа ереже бойынша өтеді, деп хабарлайды Zhaiyqmedia.kz ақпарат агенттігі.
