Сурет: Egemen Qazaqstan
Черногорияның Будва қаласында World Boxing ұйымы өткізген U19 әлем чемпионатының финалдық жекпе-жектері басталды, деп хабарлайды Zhaiyqmedia.kz ақпарат агенттігі.
70 келідегі басты фаворит Бибарыс Әшірбай ақтық сында кадеттер арасында әлем чемпионы және Еуропаның бірнеше дүркін жеңімпазы Джон Донохуеге (Ирландия) 0:5 есебімен жол беріп, күміс медаль иеленді.
Бибарыстың финалға дейінгі жолы:
- 1/16 финал: Сантьяго Хименез Лоссо (Аргентина) – 5:0
- 1/8 финал: Люк Насиф (Аустралия) – 5:0
- 1/4 финал: Асанте Ламар (АҚШ) – 3:0
- 1/2 финал: Зулфикор Адхамжонов (Өзбекстан) – 4:1
Айта кетейік, Бибарыс Әшірбай 2026 жылы Таиландтағы Futures Cup және U19 Азия чемпионатында топ жарды. Енді ол келесі аптада Дакарда (Сенегал) өтетін жасөспірімдердің жазғы Олимпиадасында да ел намысын қорғайтын болады.
