Мазмұнға өту
Сурет: UFC
Аса жеңіл салмақтағы UFC жауынгері Асу Алмабаев жаңартылған Meta рейтингінде екі сатыға көтеріліп, бесінші орынға жайғасты, деп хабарлайды Zhaiyqmedia.kz ақпарат агенттігі.
UFC мәліметінше, жаңартылған рейтинг әр жекпе-жектің нәтижелері негізінде жасалады. Бұған дейін отандасымыз аталған рейтингте 7-орында тұрған болатын.
Еске сала кетейік, Асу Алмабаев бұған дейінгі жекпе-жегін 28 маусымға қараған түні Бакуде өткен UFC Fight Night 280 турнирінде өткізді. Отандық спортшы америкалық Чарльз Джонсонды мерзімінен бұрын жеңді.
Жекпе-жектің үшінші раундында Алмабаев қарсыласын партерге түсіріп, UFC тарихындағы ең сирек кездесетін әдістердің бірі – «Сулоев созылуын» сәтті орындады. Бұл әдіс бұған дейін UFC тарихында небәрі үш рет қолданылған.
