Астанадағы Мәңгілік Ел көшесінде орналасқан көпқабатты тұрғын үйден өрт шықты. Тілсіз жау үйдің бірнеше қабатын шарпып, тұрғындар шұғыл түрде эвакуацияланды, деп хабарлайды Zhaiyqmedia.kz ақпарат агенттігі.
Төтенше жағдайлар министрлігінің мәліметінше, өрт салдарынан зардап шеккендер жоқ. Құтқарушылар оқиға орнына жедел жетіп, өртті сөндіруге кіріскен.
Өрттің шығу себебі әзірге белгісіз. Тиісті мамандар тергеу жұмыстарын жүргізіп жатыр.
