Мазмұнға өту
Сурет: Ашық дереккөз
Елордада болған жол-көлік оқиғасы салдарынан жеңіл автокөліктердің бірі аударылып қалды, деп хабарлайды Zhaiyqmedia.kz ақпарат агенттігі.
Полиция департаментінің мәліметінше, 19 жастағы Hyundai Elantra жүргізушісі Қошқарбаев даңғылы жағынан көпірмен оң жақ шеткі жолақта келе жатып, сол жақ жолаққа ауысу кезінде маневрдің қауіпсіздігіне көз жеткізбей, өзімен бір бағытта келе жатқан Geely Emgrand автокөлігімен соқтығысқан. Салдарынан Geely Emgrand автокөлігі инерциямен аударылып кеткен. Оның жүргізушісі медициналық мекемеге жеткізіліп, тексеруден кейін үйіне жіберілді.
Hyundai Elantra автокөлігі мамандандырылған айып тұрағына қойылды.
«Жолақ ауыстырмас бұрын маневрдің қауіпсіз екеніне алдын ала көз жеткізіп, өзге жол қозғалысына қатысушыларға кедергі келтірмейтініңізге көз жеткізіңіз. Рөлдегі кез келген сәттік салғырттық жол-көлік оқиғасына және ауыр зардаптарға әкелуі мүмкін», делінген хабарламада.
