Астанада өткен «Әділет» партиясының құрылтай съезінде Айбек Дәдебай бірауыздан төраға болып сайланды, деп хабарлайды Zhaiyqmedia.kz ақпарат агенттігі.
Съезд барысында партияның саяси бағыты мен алдағы жоспары талқыланды. Жаңа басшы өз сөзінде әлеуметтік әділеттілік пен халықтың мүддесін қорғауды басты мақсат етіп қойғанын айтты.
«Біз еліміздегі теңсіздікті жою үшін жұмыс істейміз. Әрбір азаматтың дауысы естілуі керек», — деді Дәдебай.
Партияның құрылтайына еліміздің түкпір-түкпірінен делегаттар қатысты. Олар ұйымның жарғысын бекітіп, атқарушы органдарды сайлады.
