Мазмұнға өту
2026 жылғы 7 мамырда Астанада «Әділет» саяси партиясының құрылтай съезі өтті. Съезде партияның ресми қызметін бастау үшін маңызды құжаттар – жарғы мен бағдарлама бекітілді, деп хабарлайды Zhaiyqmedia.kz ақпарат агенттігі.
Жиынға партияның негізін қалаушылар мен белсенділер қатысты. Олар ұйымның болашақ бағытын айқындайтын негізгі құжаттарды талқылап, мақұлдады.
«Біздің мақсатымыз – қоғамда әділдікті орнату және халықтың мүддесін қорғайтын нақты күшке айналу», – деді партия өкілі.
Енді «Әділет» партиясы құжаттарды Әділет министрлігіне тіркеуге тапсырады. Тіркеуден өткеннен кейін ғана партия ресми түрде саяси алаңға шыға алады.
