Сурет: kazhydromet.kz
12-14 қараша аралығында Қазақстанның басым бөлігінде ауа райы құбылмалы болады, жаңбыр мен қар аралас жауын-шашын жауады, деп хабарлайды Zhaiyqmedia.kz ақпарат агенттігі.
Синоптиктердің болжамы бойынша, елдің оңтүстік-шығысындағы таулы аудандарда қатты жауын-шашын жауып, көктайғақ болады. Батыста, солтүстікте және орталықта, ал 13 қарашадан бастап оңтүстікте жауын-шашынсыз ауа райы күтіледі.
Республика бойынша жел күшейеді, шығыста жаяу бұрқасын соғады. Түнгі және таңертеңгі уақытта тұман түседі.
Батыста түнде температура 2-9 градусқа дейін жоғарылайды, күндіз 8-17 градус жылы болады. Солтүстікте түнде 2-10 градус аязға дейін төмендейді, күндіз негізінен 2 градус аяз бен 5 градус жылы аралығында болады.
Орталықта және шығыста түнде 5-15 градус аязға дейін төмендейді, күндіз негізінен 3 градус аяз бен 5 градус жылы аралығында болады.
«Ал оңтүстікте – түнде 1-8 градус аязға дейін төмендейді, күндіз 5-12 градус жылыға дейін жоғарылайды. Оңтүстік-шығыста түнде 3-8 градус, таулы аудандарда 11-16 градус аяз болады. Күндіз 2-10 градус жылыға дейін жоғарылайды, таулы аудандарда 1-6 градус аяз болады», делінген хабарламада.
Бүгін Ақмола, Абай, Ақтөбе, Алматы, Қарағанды, Қызылорда, Қостанай, Жетісу, Павлодар, Түркістан, Ұлытау және Шығыс Қазақстан облыстарындағы ауа райына байланысты 12 облыстың көлік жүргізушілеріне ескерту жарияланды.
