Мазмұнға өту
Сурет: Report
Жапонияның орталық бөлігінде қатты нөсер салдарынан 5 адам қаза тауып, тағы бір адам хабар-ошарсыз кетті. Бұл туралы зардап шеккен Тиба префектурасының билігі мәлімдеді, деп хабарлайды Zhaiyqmedia.kz ақпарат агенттігі.
Жапонияның Әкімшілік істер және коммуникациялар министрлігінің дерегінше, жұма күні таңертеңгі жағдай бойынша Тиба және көршілес Ибараки префектураларында кемінде 120 мың тұрғынға эвакуация туралы өкімдер әлі де күшінде.
Қатты жауын-шашын теміржол қатынасын үзді, оның ішінде Нарита халықаралық әуежайын Токиомен байланыстыратын желілер де бар. Әуежайда астанаға жете алмаған шамамен 7 мың адам қалып қойды.
Елдің орталық бөлігінің кейбір аудандарында бір тәулікте 360 мм-ден астам жауын-шашын түсті. Қатты жаңбыр электр беру желілерін де зақымдады.
Тиба префектурасында кемінде 25 мың үй жарықсыз қалды. Билік апат салдарын жою жұмыстарын жалғастырып, тұрғындарды эвакуация өкімдерін сақтауға шақырды.
