Украинаның ұшқышсыз ұшақтары Мариуполь–Донецк бағытындағы Т-0509 тас жолында ресейлік жүк көлігін жойды. Бұл шабуыл майдан шебінен 100 шақырым қашықтықта жасалды, деп хабарлайды Zhaiyqmedia.kz ақпарат агенттігі.
Америкалық Соғысты зерттеу институтының (ISW) мәліметінше, дрондар ресейлік әскерлердің тылдағы жабдықтау жолдарын нысанаға алған. Логистикалық тізбектің үзілуі майдандағы ресейлік бөлімшелердің жағдайын қиындатуы мүмкін.
Әзірге Ресей тарапы бұл ақпаратқа ресми түрде жауап берген жоқ. Украина әскерилері дрондардың дәлдігі мен тиімділігін алға тартып, мұндай соққыларды жалғастыратынын мәлімдеді.
