Қазақстан Президенті Қасым-Жомарт Тоқаев, Әзербайжан Президенті Ильхам Әлиев, Қырғызстан Президенті Садыр Жапаров, Түркия Президенті Режеп Тайип Ердоған және Өзбекстан Президенті Шавкат Мирзиёев бірлесіп Түркістандағы визит-орталыққа барды, деп хабарлайды Zhaiyqmedia.kz ақпарат агенттігі.
Бұл сапар Түркі мемлекеттерінің ынтымақтастығы аясында өтті. Көшбасшылар орталықтың экспозициясымен танысып, түркі халықтарының ортақ тарихы мен мәдениетіне тоқталды.
«Түркістан – бүкіл түркі әлемінің рухани астанасы. Біздің бірлігіміз бен ынтымағымызды нығайтуға бағытталған бұл кездесулердің маңызы зор», – деді Қасым-Жомарт Тоқаев.
Визит-орталық заманауи технологиялармен жабдықталған. Мұнда түркі өркениетінің даму кезеңдері көрсетілген. Көшбасшылар алдағы уақытта бірлескен жобаларды жүзеге асыру жөнінде де пікір алмасты.
