Президент Қасым-Жомарт Тоқаев Түркі мемлекеттері ұйымының бейресми саммитінде түркі елдерінің жасанды интеллект орталықтарының бірыңғай желісін құруды ұсынды, деп хабарлайды Zhaiyqmedia.kz ақпарат агенттігі.
Мемлекет басшысының пікірінше, мұндай желі түркі әлемінің цифрлық трансформациясын жеделдетіп, ортақ технологиялық кеңістік қалыптастырады.
«Біздің мақсатымыз – жасанды интеллект саласындағы әлеуетті біріктіріп, бәсекеге қабілетті ортақ жобаларды іске асыру», – деді Тоқаев.
Саммитте түркі мемлекеттерінің көшбасшылары ұсынысты қолдап, алдағы уақытта нақты қадамдарды талқылауға уағдаласты.
